UCD’s Irish Language Student Residence Scheme recently celebrated its 20th anniversary. UCD alumnus and Ad Astra scholar Harry Brennan (BSc Economics and Finance 2017), Senior Associate Consultant with Bain & Company joined in the celebration at the University Club and recalls his time as Teach na Gaeilge UCD scholar: “Comóradh 20 bliain ar Theach na Gaeilge a bhí mar chúis le teacht le chéile céad duine nó mar sin Dé Sathairn, an 21 Eanáir. Bhailigh scoláirí reatha, iarscoláirí, foireann na hollscoile agus comhpháirtithe araon i gClub na hOllscoile le ceiliúradh a dhéanamh ar Theach na Gaeilge, UCD, scéim cónaithe Gaeilge na hollscoile atá anois 20 bliain ar an bhfód.
“Oíche lán de cheol, spraoi agus cairdeas a bhí ann do chách. Bhain gach uile duine sult as seanaghaidheanna a fheiceáil arís. B’iontach an rud é dúinn uilig gur tháinig dream ó Thaigh na Gàidhlig, Ollscoil Ghlaschú anall le bheith linn ar an oíche.
“Mar iarscoláire de chuid (BSc Eacnamaíocht & Airgeadais) ba dheis í an oíche domsa cuimhneamh siar ar mo sheal pearsanta i dTeach na Gaeilge. Tugann Teach na Gaeilge deis do mhic léinn saol lán-Ghaelach a chaitheamh ar an ollscoil. I gcomhair dream ar leith inár measc, is leanúnachas é seo ón mbaile, ach domsa, ba dheis dom í maireachtáil trí Ghaeilge don chéad uair. Agus mé anois i mo chónaí i Meiriceá, agus sa Bhreatain roimhe sin, táim chomh buíoch sin go fóill as an deis sin a bronnadh orm.
“Thar aon rud eile, dheimhnigh an scéim cónaithe dom nach teanga oideachais amháin í an Ghaeilge, ach gurb í mo theanga féin í. Ba mhór an onóir dom páirt a ghlacadh inti.”
